20/02/2019
64 جار خوێندراوه‌ته‌وه‌

K24 - ھەولێر

نەورۆز مەولود، وەزیری شارەوانی و گەشتوگوزار بە كوردستان24ی راگەیاند، ناوەڕاستی مانگی 3ی ئەمساڵ تونێلی پیرمام شەقڵاوە دەكرێتەوە و بە كردنەوەی ئەم تونێلە ئاسانكارییەكی زۆر بۆ شوفێر و گەشتیاران دەكات، چونكە ھەولێر بە شەقڵاوە دەبەستێتەوە.

ئاماژەی بەوەشدا: "وەك وەزارەتی شارەوانی و گەشتوگوزار پێشتر پێشنیارمان كردبوو كە پەلە لە تەواوكردنی ئەو پڕۆژەیە بكرێت، بۆ ئەوەی ئاسانكاری بۆ ھاتووچۆی گەشتیار و ھاووڵاتیان بكرێت".

وەزیری شارەوانی و گەشتوگوزار ئاشكراشی كرد: "ھاتنی گەشتیاران بۆ ھەرێمی كوردستان بەشێوەیەكی بەرچاو زیادیكردووە، لە ساڵی 2018 زیاتر لە سێ ملیۆن گەشتیار سەردانی ھەرێمی كوردستانیان كردووە، ھەروەھا بەپێی ئەو پلانەی وەزارەت و دەستەی گەشتوگوزار توانرا لە ھەرچوار وەرز گەشتیار بێنینە ھەرێمی كوردستان، ئومێد دەكەین ئەمساڵ رێژەی ھاتنی گەشتیاران زیاتر بێت".

http://www.kurdistan24.net/so/economy/995f1a0d-e212-40d8-9bd5-5a7dad291c50

 








هەولێر  
سلێمانی  
دهۆک  
کەرکوک  

ناونیشانی یەکێتی بەلێندەران